آ-ب

بو ایلک حرف لرده ن دیر،کی اویرتمن بیزه اویرتدی.بیزده اونون آردیندا سسلندیخ:  آ-ب

سونرا، گون گئچدیخجه،سوزلرین اویرتمه سینه باشلادی:"آنا- آتا- سئومه خ " و سوزلرین یازماغینا باشلادیخ.

او گونه چاغ، باجارمیردیخ"آنا" سوزو نئجه یازیلار! آما، اویرتمن خانیم اونو بیزه اویرتدی.

سونرا سوزلری یان یانا قویدوخ."تومجه" یازماغا باشلادیخ: "من آنا و آتامی سئویرم."

او گون توم اویرنجی لر بو باجاردیخلارینا سئوینیردلر.بو سئویمین مین لرجه سی ده، اویرتمن خانیمین اوره گینده گئچیردی.بیز اویرشمه میزه، او دا اویرتمه سینه سئوینیردی.

بیز بویودوخ،آما حالا او خاطیره لر خاطیریمیزده قالیر. اویرتمن خانیمین گولوشو،باخیشی و شیرین سوزلری و ...  

من یقینیم وارکی ، بیزیمده خاطیره میز اونون خاطیرینده دیر. آخی، دیللر کی :" اوره ک ده ن اورگه یول وار."

بو یولو آللاه اینسانلارین اوره گینده ووروپ. بو یولدان اینسانلار ایلیه بیله لر بیر بیری نین اوره گینه یول تاپالار و بیر بیری نی یادا سالالار.

من بو سوزو ده اویرتمنیم ده ن اویرنمیشم.

گورورسونوز؟! اویرتمن نه عزیز و حورمتلی اینسان دیر!

اونون دیلینده ن چیرکین سوز چیخما ییپ و چیخماز.

اولو تانریمیز اونون اوره گینده بیر محبت و سئوگی قویوپ کی او، محبتی نی توم اویرنجی لرینین آراسیندا پایلاسین..

بو اوزده ن بیز هر ایل باهارین ایکینجی آیی نین 12 سین، توم اویرتمن لرین حورمتی ایچین کوتلویوروخ. و آللاه دان بو حورمتلی اینسانلارا، ساغ جان و شاد حیات آرزو ائدیریخ و بو نئچه ایلده، توم اویرتمنلریمیزین چالیشمالارینا سئوه سئوه دئییریخ: 

                       یورولمایاسیز!!!

                           چیلله گئجه سی کوتلو اولسون 

بو گون استاد سخن سید محمد حسین شهریار دنیاده ن کؤچدی.نئجه سس سیز گلدی، سس سیز ده دنیا ده ن اؤره ک اوزدی.آما اونون خاطیری بیزیم یادیمیز و اوره ک لریمیزده حالا گورولتولو زنگنه ایله قالیر و قالاجاق.

رحمتلیک

ایل کئچدی باهار اولدو خبر یوخ گولوموزده ن

گول آچمادی قوزانمادی سس بولبولوموزده ن

بایرام گونوموز یاسلی گوروشلر له گئچرکن                           

شادلیق نه اوماق بیر آییمیزدان ایلیمیز ده ن

یولداش سپلندی ائله بیل سام یئلی اسدی

سرسام دی قالان بیزله ره بو سام یئلیمیزده ن

ائل بیرده دئسین سئل سارانی قاپدی قاچیرتدی

آغلاشدی بولوتلار دا بو داشقین سئلیمیز ده ن 

بیر مزرعه دیر شهریارین عمری نه حاصل!

سئل قویمادی بیر چوپ ده قالا حاصلیمیز ده ن .

دور خالچانی چک دارا                        تئللری گویچک دارا

یا منی آرخایین ائت                          یا زولفوندن چک دارا

                                              *********

بورا آرازدی آنا                                  دئمه دایازدی آنا

یاریم قالیب او تایدا                           هاوا آیازدی آنا 

                                              ********* 

هر گوزل جانان اولماز                        هر کیمسه قانان اولماز

ائلیندن کنار گزمه                            ائل کیمی یانان اولماز

                                              *********

من نه ائدیم او یادا                           او تانیشا، او یادا

اینسان اودور دونیادا                         یاتانلاری اویادا

                                              *********

قارداشلار آی قارداشلار                     یاقیش آچار قار باشلار

باجیلار قُصه لنسه                            گویلون آلار قارداشلار

عزیزیم داشا دوشر                                قار یاغار داشا دوشر

قارداشین مشکل ایشی                           گینه قارداشا دوشر

                             *********

قارداش کشمش کیمی دیر                      جیبه دوشموش کیمی دیر

قارداشی ا لمویانلار                               بو ائل دن کوسموش کیمی دیر

حیدر بابا ایلدریملار شاخاندا،

سللر ، سولار شاقیلدایوب آخاندا،

قیز لار اونا صف باغلیوب باخاندا.

                    سلام اولسون شوکتوزه ، ائلوزه

                    منیم ده بیر آدیم گلسین دیلوزه.

شنگل آوا یوردی عاشیق آلماسی،

گاه دا گئدوب اوردا قوناق قالماسی،

داش آتماسی،آلما، هیوا سالماسی،

                               قالیب شیرین یوخی کیمی یادیمدا.

                              اثر قویوب روحیمدا ، هر زادیمدا.

حیدر بابا، قوری گولون قازلاری،

گدیکلرون سازاخ چالان سازلاری،

کت ـ کوشنین پاییز لاری، یازلاری،

                               بیر سینما پرده سی در گوزومده،

                               تک اوتوروب، سیر ائدیرم ئوزومده.

حیدر بابا، قره چمن جادا سی،

چووشلارین گله ر سسی ـ صدا سی،

کربلیا   گئدنلرین     قادا سی

                                دوشسون بو آج یولسوز لارین گوزونه،

                                تمدنون   اویدوخ یالان   سوزونه !

حیدر بابا ، شیطان  بیزی آزدیریب،

محبتی   اورکلردن    قازدیریب،

قره گونون   سرنوشتین   یازدیریب،

                                 سالیب خلقی بیرـ بیرینون  جانینا!

                                باریشیغی    بلشدیروب       قانینا!

گوز یاشینا باخان اولسا، قان آخماز!

انسان اولان خنجر بئلینه   تاخماز!

اما  حیف، کور توتدوغون بوراخماز!

                                   بهشتمیز  جهنم    الماقدا در!

                                   ذیحجه میز محرم الماقدا در!

خزان یئلی یارپاخلاری  توکنده

بولوت داغدان ینیب کنده چوکنده.

شیخ الاسلام گوزل سسین چکنده

                                   نسگلی  سوز اورکلره دیردی،

                                   آغاشلاردا  آللاها باش ایردی.

داشلی بولاخ داش ـ قومونان دولماسین!

باخچالاری  سارالماسین،    سولماسین!

اوردان  کچن  آتلی  سوسوز  اولماسین!

                                   دینه بولاخ، خیرون اولسون آخارسان ،

                                   افقلره  خمار ـ خمار    باخارسان!

حیدر بابا ، داغین داشین  سره سی،

کهلیک اوخور ، دالیسیندا فره سی .

قوزولارین آغی ، بوزی، قره سی.

                                   بیر گئدیدیم  داغ  دره لر اوزونی،

                                   اوخوییدیم، ((چوبان ، قیتر قوزونی))،

حیدر بابا  سولی یرین  دوزنده ،

بولاخ قینر چای ـ چمنین گوزونده،

بولاغ اوتی ، اوزه ر سویون اوزونده،

                                    گوزل  قوشلار اوردان گلیب گچللر،

                                    خلوتلیوب ،  بولاخدان  سو ایچللر .

بیچین اوستی ، سنبل بیچن اوراخلار،

ایله  بیل  که  زلفی دارار  داراخلار،

شکار چیلار بیلدیرچینی  سوراخلار،

                                    بیچین چیلر   آیرانلارین    ایچللر،

                                    بیر هوشلانیب، سوندان دوروب بیچللر.

حیدر بابا ،  کندین  گونی   باتاندا ،

اوشاقلارون  شامین  ییوب یاتاندا ،

آی بولوتدان چیخوب قاش ـ گوز آتاندا!

                                     بیز  دن بیر سن اولارا  قصه ده ،

                                     قصه  میزده چوخلی غم و غصه ده.

قاری  ننه  گئجه  ناغیل  دینده ،

کولک قالخیب ، قاب ـ باجانی دوینده،

قورد  گئچنین  شنگلیسین   یینده،

                                     من  قاییدیب ، بیرده  اوشاق  اولیدیم!

                                     بیر گل آچیب ، اوندان سورا سولیدیم!

عمه  جانین، بال بلله سین ییه ردیم ،

سوندان دوروب،اوس دونومی گییه ردیم ،

باخچالاردا  تیرینگنی    دییه ردیم ،

                                      آی ئوزومی  او ازدیرن   گونلریم!

                                      آغاج مینوب ، آت گزدیرن گونلریم!

حیدر بابا، کهلیکلرون اوچاندا

کول دیبینن دوشان قالخوب، قاچاندا ،

باخچالارون چیچکلنوب آچاندا،

                        بیزدن ده بیر ممکن اولسا، یاد اله

                        آچیلمیان اورکلری شاد اله.

بایرام یئلی چارداخلاری ییخاندا،

نوروز گلی، قار چیچگی چیخاندا،

آغ بولوتلار کوینکلرین سیخاندا

                         بیزدن ده بیر یاد ایلیه ن ساغ اولسون

                         درد لریمیز قوی دیکلسون داغ اولسون.

حیدر بابا، گون دالیوی داغلاسین

اوزون گولسون، بولاخلارون آغلاسین

اوشاخلارون بیر بیر دسته گل باغلاسین

                          یئل گلنده وئر گتیرسین بویانا

                          بلکه منیم یاتمیش بختیم اویانا

حیدر بابا، سنون اوزون آغ اولسون!

دورت بیر یانون بولاغ اولسون باغ اولسون!

بیزدن سونرا سنون باشون ساغ اولسون!

                           دنیا قضوـ قدر، ئلوم-ایتیمدی!

                           دنیا بویی اوغولسوزدی، یتیمدی!

حیدر بابا،یولوم سنن کج اولدی،

عمروم کچدی، گلممه دیم گج اولدی،

هئچ بیلمدیم گوزللرون نئج اولدی

                            بیلمزدیم دنگه لروار، دونوم وار،

                            ایتگین لیک وار، آیرلیق وار، ئولوم وار.

حیدر بابا، ایگیت امک ایتیرمز،

عمر کچه ر، افسوس بره بیتیرمز،

نامرد اولان عمری باشا یتیرمز.

                             بیزده، واللاه، اونوتماریق سیزلری،

                             گورممسک حلال ائدون بیزلری.

حیدی بابا، میر اژدر سسلننده،

کند ایچینه سسدن ـ کویدن دوشنده،

عاشیق رستم، سازین دیللندیرنده،

                              یادوندادی نه هولسک قاچاردیم؟

                              قوشلار تکین قاناد چالیب اوچاردیم؟